Pear and Almond Tart~تارت الكمثرى واللوز

Pin It

Ah, where do I begin?

It all started with a large bag of pears my father brought from the supermarket. Forelle pears, to be specific. Who on earth consumes 20+ pears in a few days? NO ONE, THAT’S WHO. Even in a family where the love of pears is… quite intense. It seemed extremely convenient for me to bake something with pears. I just didn’t know what.

Until I watched this video, and I thought… I have to make this. No… I NEED to make this. And don’t you just LOVE it when you happen to have all the ingredients ready?

Mine, well, didn’t end up looking so professional. But, hey.. it’s still one of the prettiest things I’ve ever made. Plus, give me some credit.. I had to do RESEARCH. Yeah. Being the snob I am, I wasn’t completely happy using the first google result for “pear tart”. Even though that looked pretty good.

Here’s what I did, basically:

I peeled and cored beautiful, firm, but ripe, forelle pears. Then, I poached them in a simple syrup, with a tahitian vanilla bean and some lemon zest. I just love the floral/woody smell of these vanilla beans. I couldn’t have chosen a better bean. It’s the best bean. You get it. I let my poached pears cool in the syrup overnight, in the fridge.

The next morning, I made a pate sablee, which is a beautiful “sandy” crust. It’s also quite buttery and rich. Tough to deal with, but I used a press-in method instead of rolling it out and that worked quite well.

I also made the simplest almond cream, or frangipane, using blanched almonds. A simple ratio of 1:1:1 butter:sugar:almonds.

OKAY, let’s get to it, shall we?

Poached Pears

Ingredients:

5 firm but ripe pears (I used 5 because Forelle pears are really short, you may use less if you want, I ended up using only 4!)
4 cups water
1-2 cups white granulated sugar (depends on the sweetness of your pear)
1 vanilla bean (I used Tahitian)
Juice of half a lemon
Lemon zest of one lemon

Directions:

Peel, and slice the pears in half lengthwise. While you are working, cover the peeled pears in lemon juice so they don’t brown.
Fill a boiling pot or pan with water, enough water to cover the pears (make sure it’s not aluminum as that reacts with lemon juice and you don’t want that), add the sugar, vanilla (split the bean and take out the seeds and put them in there too), and zest. Stir till sugar dissolves.
Rinse the pears, and add them to the boiling syrup.

Poach them in the syrup till they get softer, when you insert a knife into a pear and there’s no resistance, that’s when they are done! Take off the heat, and let the pears cool COMPLETELY in the syrup.

You may poach the pears one day ahead, that’s what I did.

Pâte Sablée (crust)

9-10 inch tart pan

Ingredients:

125 grams butter, COLD or FROZEN, cut into small cubes
1 and 1/2 cup all-purpose flour
1/2 cup powdered sugar
1/2 teaspoon salt
1 egg yolk, beaten with a drop of vanilla extract (save the egg white for the frangipane!)

Directions:

Put the flour, sugar, and salt in the food processor and pulse a few times to combine. Add the pieces of cold butter and pulse until the butter is cut into the flour and the mixture is like coarse cornmeal.

Add the egg yolk and combine in pulses until the dough starts to seem less dry. Do NOT wait for the dough to come together, just open the food processor led, and squeeze a bit of the mixture between your fingers… if it comes together, it’s ready!

Butter your 9″-10″ tart pan, and press in the dough evenly. Don’t press too hard or your crust will be tough.

Place your pan in the freezer for at LEAST 40 minutes, and when you are ready to bake…

preheat your oven to 375 F (190 C), take out your tart pan from the freezer and place it on a baking sheet, cover the crust in buttered tin foil (the buttered side is the side that meets the crust) and into the preheated oven for about 20-25 minutes till it looks dry. Take peeks at it. You don’t want it to brown at all! It should look like this:

Then take it out from the oven, and place it on a cooling rack, till it’s at room temperature… meanwhile, make the frangipane!

 

Frangipane (Almond Cream)

Ingredients:

100 grams blanched almonds (3/4 cup)
100 grams sugar (1/2 cup)
100 grams butter (1 stick)
2 teaspoons cake flour
1 teaspoon cornstarch
1/2 teaspoon salt
1 whole egg
1 egg white
1 teaspoon vanilla extract

Directions:

In the food processer, ground up your almonds till they have a fine texture. Add your flour, cornstarch, and salt, and pulse a few times to combine.

Add the sugar, and pulse a few times. Add the butter and pulse till it’s mixed in. Finally, add the beaten egg (with the egg white) slowly and pulse till you have a somewhat runny paste.  Lastly, mix in the vanilla extract. Keep this refrigerated till you are ready to assemble the tart.

And that’s it! You have all that you need to assemble the tart.

Crust? Check.
Poached Pears? Check.
Frangipane? Check.

To make the tart…

Preheat the oven to 350 F  (180 C).

Take your cooled tart crust, and pour the frangipane (almond cream) into it, make it even with a spatula.

Remove your poached pears from the syrup, and place on a paper towel so it would dry them and absorb all the extra moisture.

Look at those beautiful vanilla bean specks. SO. BEAUTIFUL.

Core the pears and remove the stems.
Slice them either the traditional way (crosswise) or fan them out (cut them lengthwise).. I apologize for not taking photos of the steps, I got too busy panicking about how it will turn out. Here’s how it looked after I placed the pears on top of the frangipane and I sprinkled some sliced almonds in the “empty” parts.

And bake that for about 45-50 minutes until the frangipane sets and becomes a tiny bit firm to the touch!

Enjoy a slice of this beauty (I know I did… it is INSANELY good.) with a cup of tea or.. whatever your heart desires. Or just by itself.

 

تارت الكمثرى واللوز

ما أدري كيف أبدأ أقول لكم قصة كيف قررت إني أسوي هالتارت.. لكن باختصار شديد، أبوي – الله يحفظه ويهديه – عنده عادة سيئة، ممكن جيدة في هالحالة (لأن التارت طلعت فظيعة ولذيذة وأبي آكلها كلها ألحين) في إنه إذا شرا شيء.. يشتري كثير منه. مع إن عائلتنا تحب الكمثرى كثير إلا إنه مستحيل نقدر نخلص الكمية اللي جابها قبل ما تخرب! فقررت إني أسوي شيء لذيذ منهم، ولكن ما عرفت وشو إلا لما شفت هالفيديو لشخص يسوي هالتارت بطريقة جميلة وفنية، صحيح حقتي ما طلعت جميلة زي حقته… لكن عشان أكون صريحة، يمكن هالتارت من أجمل الأشياء اللي سويتها في حياتي. :D قلتلكم بعد إن طعمها مرة لذيذ؟

التارت بالكمثرى واللوز هذي تارت فرنسية تقليدية، أول شيء يتسوى لها قاعدة تشبه البسكوت بالزبدة تذوب في الفم وفي نفس الوقت مقرمشة ومب لينة… بعدين يجي فوقها كريمة اللوز، خليط من اللوز والزبدة والسكر ينطحنون سوا.. وبعدها ينحط فوقها الكمثرى المطبوخ في فانيلا وسكر وليمون. استخدمت فانيلا من تاهيتي، ريحته حلوة. بس تقدرون تستخدمون أي نوع تبونه.

بالله ما طاحت سعابيلكم من الوصف بس؟ :)

رح أكتب وصفة كل جزء لحال بعدين بأقول لكم كيف نجمعهم!

الكمثرى المطبوخ

المقادير:

5 كمثرى مستوية بس مب لينة، (استخدمت خمسة لأن نوعية الكمثرى حقتي قصيرة، بس بالأخير استخدمت 4 بس)

4 أكواب موية

كوب أو كوبين سكر (على حسب حلاوة الكمثرى حقتكم)

عود فانيلا

عصير نصف ليمونة

بشر ليمونة

الطريقة:

قشروا واقطعوا كل كمثرى نص، بالطول.. شيلوا اللي يجي بنهاية الكمثرى وكل ما خلصتوا من وحده وقشرتوها افركوها بعصير الليمون عشان ما تسوّد.

عبوا قدر ع النار بالموية، والسكر، والفانيلا، وبشر الليمون.. وحركوه لين يذوب السكر. لما يذوب السكر اغسلوا الكمثرى وحطوها في القدر على نار هادية.. لمدة 20 دقيقة تقريباً لين تنطبخ الكمثرى. كيف تعرفون إنها جهزت؟ إذا دخلتوا سكينة في الكمثرى وتدخل بسهولة مب تعانون.

شيلوها من النار وخلوها تبرد في السائل! لا تشيلونه أبداً.. ولما يبرد تماماً حطوه في وعاء هو والسائل حقه ودخلوه الثلاجة لين ما نحتاجه. هذي الخطوة أحسن تسوونها قبل بيوم عشان يتركز الطعم في الكمثرى.

بات سابلي (القاعدة)

المقادير:

125 غرام زبدة، باردة جداً جداً ومقطعة مكعبات صغار

كوب ونص دقيق متعدد الاستعمالات

نص كوب سكر بودرة

نص ملعقة صغيرة ملح

صفار بيضة، مخفوق مع نقطة فانيلا سايلة

الطريقة:

استخدموا محضرة الطعام لهالخطوة عشان تضمنون النجاح أكثر شيء، بس إذا ما عندكم ممكن تستخدمون سكينتين أو شوكتين.

حطوا السكر والدقيق والملح في محضرة الطعام واضغطوا كم ضغطة لين ما ينخلطون. بعدها أضيفوا قطع الزبدة واضغطوا لين ما يصير شكل الطحين كذا كتل أكبر من الطحين الأصلي بشوي.. لا تخلطون بضمير!

بعدها، أضيفوا الصفار لين يصير الخليط شكله أرطب من قبل، مب لازم يصير معاك عجينة، بس جربوا امسكوا شوي من الخليط بيدك إذا تكتل.. يعني إنه جاهز. رصوه في الصينية حقت التارت اللي حجمها 9-10 انتش (ما رح يضبط لو كانت أكبر!) ودخلوها الفريزر لمدة 40 دقيقة على الأقل.

بعدها سخنوا الفرن على درجة 190 مئوية قبل ما تطلعون الصينية بربع ساعة تقريباً، وجيبوا قصدير وادهنوه وغطوا التارت به بحيث إن الجزء المدهون هو الجزء اللي يواجه العجينة. ودخلوها الفرن لمدة 20-25 دقيقة لين ما تحسون إنها نشفت، مفروض ما تحمر ولا يتغير لونها أبداً، إلا ممكن شيء بسيط. فيه صورة فوق توضح كيف مفروض يكون شكلها بعد ما تتطلع.

خلوها تبرد لين ما تحضرون كريما اللوز.

كريما اللوز

المقادير:

100 غرام لوز مقشر (ثلاثة أرباع كوب)

100 غرام سكر (نص كوب)

100 غرام زبدة (إصبع)، مقطع صغار

ملعقتين صغار دقيق

ملعقة صغيرة نشا

نص ملعقة صغيرة ملح

بيضة كاملة

بياض بيضة

ملعقة صغيرة فانيلا سايلة

الطريقة:

في محضرة الطعام، اطحنوا اللوز لين ما يصير ناعم وحطوا عليه الدقيق والنشا والملح واخلطوا لين ما ينمزج. بعدها أضيفوا السكر واخلطوا. وأضيفوا الزبدة واخلطوا لين ما ينمزج معاه، كويس.. بعدها أضيفوا البيضة الكاملة والبياض واخلطوا لين ما يصير عندكم معجون شبه سائل.

وبس! صار عندكم كل المكونات الضرورية عشان تسوون هالتارت..

الكمثرى المطبوخ والقاعدة وكريما اللوز.

عشان تسوون التارت أول شيء سخنوا الفرن على درجة 180 مئوية.

صبوا كريما اللوز على القاعدة اللي سويتوها وحاولوا تواسونها.

شيلوا الكمثرى من السائل وحطوه على مناديل ورقية حقت مطبخ عشان يمتص السائل كله وتنشف شوي الكمثرى قبل ما تقطعونها.

شيلوا اللب أو اللي هو حق الكمثرى اللي فيه الحبوب.. والعود اللي فوق. عندكم خيارين، يا إنكم تقطعونه شرائح نحيفة بالعرض أو بالطول! أنا بعض حقاتي كانوا قصار فقطعتهم بالطول عشان ينتشرون أكثر.. والبعض اللي أطول شيء قصصتهم بالعرض.. أعتذر ما صورت هالخطوة لأني انشغلت وخفت أحوس.. تقطعون على اللوح حق التقطيع بدون ما تفصلون القطع عن بعض، وتنقلونها فوق التارت على طول وتميّلونها شوي عشان يطلع شكلها زي حقتي إذا تبون.

ذروا شوي لوز شرايح في الأماكن المكشوفة إذا تبون بعد.

دخلوها الفرن وعطوها 45-50 دقيقة لين ما تحسون الكريما اللي بالنص “جمدت” وإذا لمستوها مهيب رطبة.

خلوها تبرد بعدين طلعوها من القالب واستمتعوا…

مرة مرة لذيذة ما توصفها الكلمات. :D

خلص أكثر من نصها وحنا 4 أشخاص نآكل بس.

21 responses to “Pear and Almond Tart~تارت الكمثرى واللوز

  1. تسلم إيدك ياسمين .. مرة شغلك مرتب و يشهي
    آخر مرة شريت فيها كمية كبيرة من الكمثرى عملت مربى و طلعت رهييبة و بعدين جربتها ( المربى) في الحلويات و طلعت ناجحة.
    زي حلى المربوعة هنا
    http://housewifenote.blogspot.com/2012/04/blog-post_17.html

    حبيت أسألك عن الكاميرا الي تصويري فيها؟ أيش شركتها؟ صورك تشهيييي. بلعت ريقي أكثر من مرة و أنا أقرأ :)

    • Yasmine

      الله يسلمك يا رب.. والله فكرة جميلة صنع المربى صراحة! خصوصاً إنك تقدرين تستخدمين حتى اللي مستوي بزيادة ولين ومعد ينفع في أي طبخة ثانية.. أول مرة أعرف بحلى المربوعة، شكله جداً لذييييييذ.
      إن شاء الله بأجربه.
      كاميرتي Canon EOS 550D.

  2. حسيتنى دخلت عالم Julie & Julia :D
    جداً حلوة الوصفة الصور
    Yummy!
    والحلو أكتر انه التارت مجرد إتقانها بيخلى تبدعى بعمل وصفات حلو لا حصر لها
    إستمتعت كثيراً عزيزتى :)
    أول طلّة لى هنا وما بتكون الاخيرة إن شاء الله ^^

    • Yasmine

      صح عليك بالنسبة للتارت! خصوصاً لما يكون عندك فواكه كثيرة، جميلة جداً مع بيستري كريم.. يمي.
      I’m glad you enjoyed it! :D

  3. hanouf

    ماشاءالله مرره يشهي بسويه ان شاءالله بأقرب وقت
    بس بسألك تصويرك حلو ماشاءالله يذكرني بتصوير الأجانب مو السعوديين ايش تستخدمين اضاءة :)

    • Yasmine

      أستخدم إضاءة الصباح مجانية ومتوفرة بكل مكان :P
      ما رح تلقين أحسن منها أبداً، إلا إذا دفعتي سعر كثير طبعاً.. ويظل مب أحسن من هالإضاءة
      شكراً!

  4. Faye

    الصراحة أنا مو راعية طبخ بس من كثر ما صورك ووصفك يشهي قررت اسويها

  5. Faye

    هل ممكن اسوي القاعدة قبل بيوم واخبزها وعجينة اللوز اخليها على جنب ومن بكرا أحط العجينة على القاعدة واخبرها عشان اسرع وتقدم حاره؟

    • Yasmine

      أكيد تقدرين تسوين القاعدة قبل بيوم أو أسبوع بعد! بس رصيها بالصينية حقت التارت وحطي القصدير عليها زي ما سويت وفرزنيها، هي أصلاً لازم تتدخل الفريزر..
      بس تخبزينها قبل بيوم؟ بصراحة ما جربت لأن خبزها ما ياخذ وقت عقب ما تتطلع من الفريزر بس خلي الفرن يحمى وطلعيها من الفريزر ودخليها.
      وكريما اللوز أكيد تتسوى قبل، حطيها في في علبة مسكرة زين وفي الثلاجة.. ممكن تقعد 3 أيام ما تخرب.
      بس تذكري طلعيها قبل بربع أو نص ساعة تقريباً لأنها بتصير جامدة شوي وما رح تقدرين تحطينها على القاعدة

  6. nora

    مرحبًا..

    هالتارت جربته ببتيل كان طعمه جنان لدرجة طلبت تاني مع ان حجمه صغير، بالصدفة شفته بمدونتك فشكرًا كتير
    حجربه على العيد ان شاء الله بس حابه اسألك من فين أقدر أحصل على الفانيلا الاعواد تعبت ادور عليها كمان الفانيلا السائلة

    و ممنوتك و يعطيك العافية

    • Yasmine

      التارت هذي كلاسيكية مرة، عشان كذا بتلقين نسخات مختلفة منها في كل مكان.. ولكن أأكد لك إنك لو إتبتعي الخطوات رح تكون التارت حقتك بالضبط زي اللي بتذوقينه في أي محل حلويات جيد في فرنسا! يكفي إنك تأكلينها طازجة عكس اللي يكون مخزن أيام هنا. الفرق الوحيد اللي بيواجهك هو في جودة اللوز والكمثرى، والباقي جداً سهل.
      أعواد الفانيلا حاطتها في الستور حقي.. أطلبها من أمازون.. أول شيء جودتها عالية مرة مب زي اللي هنا وثاني شيء سعرها أرخص، يا سلام.
      بينما الفانيلا السائلة اللي بتلقينه هنا في الدانوب واللولو هو عبارة عن فانيلا سائلة ولكن نكهة فقط، ما نقعوا فيه أعواد صدق. الأصلي ينقعونه في كحول عشان كذا ممنوع عندنا، ولكن ماله داعي لأنه مستحيل أحد يقدر يشربه والشخص يستخدم كمية قليلة منه في الطبخ ومع الطبخ يتبخر كل الكحول لأن نقطة تبخره واطية. فما يعتبر حرام فعلاً. ممكن تطلبينه لكن ما أضمن لك إنه بيدخلونه هنا.

      الله يعافيك يا رب وأتمنى تستمتعين فيها. :D

  7. آآآآآه، ياسمين جميلة جميلة، سويتها طبعاً ماصارت زيك!
    بس اني سويت شي بهالصعوبة عطاني احساس جميل !
    صار عندي شوي مشاكل:
    ١- تغير لون القاعدة شوي بعد ماسخنته مع اني سويت زي ماقلتي :(
    ٢- كيف اطلعها من الصينية بدون ماتنكسر أو تتفتت؟ ماجربت بس أحس انها ممكن تنكسر!

    وشكراً لك على هالمدونة الجميلة .. من زمان أبي أقول لك هالشي <3

    • Yasmine

      يا حبي لك ريما، كل شيء يجي بالتدريج :D

      1- يمكن فرنك مرة حار على فكرة، أحر من المطلوب.. بس مب مشكلة إذا ما أثر على الطعم!
      2- يمكن نسيت أذكر بس أنا أستخدم صينية تارت أم قاعدة تنشال.. فسهل مرة إني إشيلها، أحطها على جار مربى أو شيء وأخلي حواف القاعدة تطيح بنفسها بعدين أشيل القاعدة.

      العفو :*

  8. السﻻم عليكم
    مشكوره اختب عالوصفه
    عندي سؤال هلئ انا بغلف العجينه بالقصدير طيب .. رح احط عليها ثقل وﻻ ﻻ ؟ وازا بحط ثقل هل بشيل القصدير بعد عشر دقائق من الخبز مثل باقي عجائن التارت

    • Yasmine

      وعليكم السلام..
      كل شيء مذكور بالتفصيل الممل في الوصفة، ما ينحط عليها ثقل ولا شيء، كل اللي مكتوب هو اللي مطلوب وبس :)
      العفو

  9. Alanoud

    ماشاءالله عليك أختي شغلك ومدونتك متميزة بجد ، واضح فيها تعبك وجهودك
    تصفحتها واستمعت فيها ، وإن شاءالله ناوية أطبق بعض من أطباقك الجميلة

    حبيت أسألك ذكرتي في ردودك أنك توفرين (أعواد الفانيلا) في الستور حقك
    حابة أطلبها ، ياليت تفيديني بكمياتها وسعرها وطريقتك في الطلب والتوصيل !
    برضو بستفسر عن القالب اللي استعملتيه للتارت هل قاعدته تنفك ولا ثابته ! و وين ممكن أحصله !

    شكراً مقدما ، ودعواتي لك بالتوفيق

    • Yasmine

      أهلاً العنود،
      الستور حقي مب حقي فعلاً، ما أبيعها مباشرة.. أبيعها من خلال بائع أمريكي في أمازون، تستخدمين فيه بريد أمريكي زي شوب أند شيب أو ماي يو إيس.
      بس إني ضامنته لأني أشتري منه
      إذا جربتي تدورين هنا بتلقين جودة سيئة والحبتين بحول 10 ريال أو أكثر بعد.
      هذا الشخص يبيع 25 حبة بتقريباً 57 ريال، حطي في بالك إنه أعلى جودة ممكنة.. يبيع أرخص طبعاً بس يكون مقسمها جودة أ، جودة ب وهكذا.. حسب استخدامك ورغبتك
      إن شاء الله رح أضيف كل الجودات اللي أقدر عليها في الستور، شيكي بعد شوي

      بالنسبة لقالب التارت إيه نعم قاعدتها تنفك، وبصراحة الحمد لله إني شريتها يوم لقيتها لإني ماعد صرت ألقاها أبدددداً!
      شريتها من اللولو سوبرماركت حي المربع
      وقد شفت زيها في تافولا بس كان من زمان
      وأذكر بعد كارفور كانوا يبيعونها.

      تسلمين والله يخليك :)

  10. Kulaithem

    طريقتج سهله جدا بس ما عندي كمثره ممكن بالتفاح
    ومشكورة عالمدونه الروعه
    والترتيب والتنسيق الجميل جدا
    أتمنى تستمرين وتضيفين وصفات جديدة
    كتاباتك
    بالإنجليزية ممتازه
    ربي يوفقك ويسعدك في حياتك
    اختك
    ام لطيفه

    • Yasmine

      هلا عزيزتي،
      ما رح تصير نفس التارت لو سويتيها بالتفاح ولكن يضبط ليش لا؟ وأتوقع رح تكون لذيذة جداً
      أنصحك تشرحين التفاح نحيف مرة وما تطبخينه لأن التفاح يذوووووب.
      سوي نفس كل شيء إلا خطوات الكمثرى لا تتبعينها.. استخدمي تفاح مع عصير ليمون عشان ما يتغير لونه ملعقة أو شيء
      بعدين صفيها فوق طبقة اللوز.. ورشي ملعقتين سكر على التفاح واخبزيها.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

© Copyright 2011-2012, Yasmine's Kitchen. All Rights Reserved
Powered by WordPress