هل أحافظ على المدونة؟

مرت سنة وأكثر من شهر على آخر بوست حطيته في المدونة’ وكالعادة جاني تذكير إنه لازم أسدد الهوستنق والدومين عشان تستمر المدونة موجودة أونلاين.

السؤال هو: وين كنت؟

الجواب السريع: انستقرام.

حاولت أطور من نفسي كثير في  السنة اللي فاتت، ولاحظت تطوري زاد سرعته بنسبة ٧٠٠٪ وأنا مب مشغولة أصور وأكتب وأنزل مواضيع هنا، تعلمت كثيييييير وزاد مستواي بشكل مب طبيعي. صحيح إني ما كنت أحط مواضيع كثيرة في المدونة من الأساس، يعني في سنة تقريباً ١٢ وصفة.. هذا لأني كنت أحس استخدام انستقرام أسهل بكثير وألقى أصداء الناس أسرع بكثير.

وفيه أشياء معينة كنت أحس مب جاهزة إنها تنحط كوصفات هنا، لأني كنت أغير فيها وأختبر فيها.

تعرفت على ناس في هالسنة وصاروا من أجمل الأشياء في حياتي ورحلتي الطبخية 🙂

وأنا شاكرة جداً جداً لهم!

ممكن إذا فضيت أنزل مختصر للي تعلمته في السنة اللي راحت، ولكن ما أظن. فقدت حماسي للتدوين وصار مدى انتباهي قصير جداً. حدي جملة وحده أكتبها وأتعب.

ما أظن رح أشارك وصفات هنا لوقت طويل، لأني رح أستغل وقتي في أشياء ثانية. لكن إذا تبون، تابعوني على انستقرام عشان تشوفون آخر طبخاتي وأحياناً اشارك وصفات وتلميحات هناك 😉

@yassoma

22 responses to “هل أحافظ على المدونة؟

  1. FaNouran

    هلا ياسمين 🙂
    خسارة حزنت من البوست.. أنا مرتبطة عاطفياَ بالمدونة مرة
    مثلاً لما أحتاج وصفة أدخل مدونتك أبحث.. ما أدخل انستغرامك… لإن هنا مرتب كل صورة تحتها الوصفة وبس..
    هنا احترافي أكثر ومركز. والبحث أسهل وأسرع وبعنوان وكذا..
    أنا مثلا أقترح مو لازم تصوري كل خطواتك زي مانتي مسوية في البوستات اللي فاتت.. صح منظره أحلى بس عادي الوصفة بدون الصور التفصيلية واضحة ومفهومة.
    لو مثلا في الانستغرام بتتبعي أسلوب صورة وتحتها على طول الوصفة بيصير حلو وانستغرام احترافي.
    لكن مو كل الناس يحبوا كذا.. فيه ناس يحبوا الانستغرام صورة عالسريع ما يشيلوا همها. وملاحظات بسيطة تعلموها.
    وآخر الأسبوع ساعة مثلا يكتبوا وصفات الأسبوع.
    واحنا طبعا ما نبي نتعبك.. بس صدقيني تعبك مقدررررررررررر من جهتنا
    أثق مرة مرة في كل كلمة تقوليها. يعطيك العافية

    • Yasmine

      يا هلا والله!
      ما توقعت صراحة فيه ناس للحين يدخلونها لأنه ما تجيني تعليقات عليها إلا نادراً.. يمكن لأني معد صرت أحط فيها، وهو صدق ما رح أواصل إني أحط وصفات هنا لفترة ولكن حالياً قاعدة أشتغل على مشروع جدددددداً قريب من اللي قاعدة أسويه هنا، ورح تشوفونه قبل لا تخلص هالسنة بإذن الله. اقتراحك جداً جميل وكنت أحسب الناس يبون صور خطوات ولكن اتضح انه عادي ولو بدون.
      ان شاء الله باذن الله رح يعجبك اللي قاعدة أشتغل عليه الآن أو أتمنى! ورح أخبرك أول ما أخلص منه. أسعدني تعليقك ووسع صدري. شكراً والله يعافيك ومرة أقدر الوقت اللي أخذتيه عشان تكتبين لي هالتعليق، كلك ذوق وجمال

  2. Roaa

    أنا أتابعك عالانستجرام بس المدونة تبقى المرجع بالنسبة. صح مو دايم أدخلها بس من فترة لفترة أرجع أشيك عليها وأخذ من وصفاتها. وأنا مع انك مو لازم تصورين كل خطوة. بس أحب وصفاتك ومو دايم موجودة عالانستجرام 🙁 لا تحرمينا منها

    • Yasmine

      يا حبي لك، شكراً مرة على تعليقك.. إن شاء الله ما رح أحرمكم من وصفاتي أبداً ورح أجمعها كلها في مشروع قريب..

  3. booo

    أحب مدونتك مرة مرة حتى لو كنتموبمسوية الطبخة بس أبي أتفرج من زمان مادخلت هنا وضاق صدري أنك بتوقفين
    بس هل بتروح المحتويات اللي فيها؟
    والله يوفقك في مشروعك القريب كلي حماس له متأكدة أنه بيكون رااااائع

  4. Khawla1990

    حسااااافه والله مدونتك من اجمل واروع المدونات العربيه وكنت افتحر فيها
    بس باذن الله حكون من اوائل الداعمين لمشروعك لانك مبدعه دائمااا وفقك الله ياسمين اينما كنت

  5. بيان

    لاااااا تككككفين لا توووقفيين ..
    عندي اقتراح ثاني .

    سوي مدونةمجانية ..
    وانقلي عليها وصفاتك. .
    عشان ماتطير
    وانا باخذ احتياطي من الان احفظ جميع الوصفات
    وكماان تككفين حااولي تتكلمين عربي بالانستقرام. .

    • Yasmine

      عندي باك أب من المحتوى لا تخافين.. ما رح يطير شيء، لكن الاحتياط جميل 😀
      ولا يهمك، صرت أتكلم كل شيء عربي الحين في انستقرام

  6. Faye

    حسافتك والله الواحد بس يدخل ويشوف الصور تنفتح نفسه
    أنستقرامك ممتع بس ما نتعلم منه كثر هنا
    الله يوفقك ويسعدك ايش ما سويتي

    • Yasmine

      تسلمين والله، مقدّرة لكم هذا الشيء كثيييير عشان كذا قررت أنزل كل الوصفات اللي عجبتكم في انستقرام في مشروعي الجاي

  7. Hawie

    I just found your account on instagram and I loved the blog! I think you should keep it on, at least for your very-attractive-looking-that-I’m-definitely-trying-them-someday recipes!

  8. Noura Alshaye

    أقدر التدوين المتخصص جداً جداً، ومدونتك رغم قلة الوصفات إلا إنها جميلة وجذابة، وأشد على إيدك تنجزي مشروعك نحتاجه في السوق حاجة ماسة. بانتظاره 🙂
    بالتوفيق لك
    وشكراً جزيلاً لكل وقتك اللي أعطيتينا إياه في هالمدونة.

  9. zohor ahajjam

    plzzzzzz ib9e hona ma3ana ana dakhelt 3ala instagram bas ma3reft kif aged wasafatek.hona kolche sahel we kolche 7elo we wasfatekkkk 7elwaaaa ketirrrrrrrrrrr plzzz la ta7rimina menk .

  10. walaa

    ياسمين كل فترة لازم امرعلى مدونتك وجربت كذا وصفة وكلها ممتازة عشان كدا لا تقفليها نحتاج شي برفيشنال ومميز انتي مسمى طباخة قليلة عليك انتي شي طموح وعنده عزيمة واصرار
    شي نادر بالتاكيد
    معاك اقف وادعمك من كل قلبي
    دعواتي لك بالنجاح

  11. Asma

    I’ve been following you on instegram for a while now, never knew you had a blog except for now. and the first thing a see is this sad post 🙁
    I know your creating a book, you just got married, and your excited to try new things, but your blog should be your base. there will be always a place and space to add something new or for a little something extra. I’ve been wanting to launch a blog for almost 5 years now. you already have it, so I really encourage you to keep it 🙂
    as for me, im so excited already to try everything here.
    your effort is always appreciated. thank you for doing what your doing.

    wishing you the best
    Asma

    • Yasmine

      Aw, do not worry no longer, I AM keeping the blog! In fact, I’ll post a new recipe in just a few. Thank you so much, Asma. Your words mean a lot. <3

  12. Balqees

    مدونتك من اجمل و ارتب المدونات،،، مره بروفشنل،، حزنت يوم قرأت البوست في نقطة رغبتك في التوقف عن التدوين
    ناس ملهمه ومعطأة مثلك،، خسااارة تحول مسارها
    لكن ندعوا لك بالتوفيق في كل قرار تتخذيه

    • Yasmine

      للتو قرأت ردك، تسلمين لي والله. رح أخلي المدونة موجودة ولسه أدفع عليها سنوياً، الواحد ما يدري متى يرجع له الرغبة في التدوين.

Leave a Reply

Your email address will not be published. Required fields are marked *